Ingat sa deadly pampaputi ngayong Women’s Day

Sa pagdiriwang ng International Women’s Day sa Marso 8, nanawagan ang EcoWaste Coalition sa mas maigting na kampanya ng gobyerno laban sa mga pampaputi na hinahaluan ng mercury, isang toxic chemical. Ayon kay Aileen Lucero, coordinator ng EcoWaste, dapat maging maingat ang mga babae sa binibili nilang skin lightening creams na hinahaluan ng mercury na lagpas sa 1 part per million. “We advise women and girls to be cautious when using skin lightening cosmetics, especially smuggled goods of dubious quality, that may contain health-damaging ingredients such as mercury,” ani Lucero. Ayon sa World Health Organization ang mercury ay nakapagdudulot ng problema sa bato, sakit sa balat at paghina sa kakayanan ng balat na labanan ang bacterial at fungal infections. “Pregnant women are particularly sensitive to the injurious effects of mercury and exposure to this poison during pregnancy may increase the risk of brain damage and birth defects for the child in the womb,” dagdag pa ni Lucero. Nagsagawa ng test buy ang EcoWaste sa Quezon City at nakabili ito ng 20 produktong pamputi. Sampu sa mga ito ay ipinagbabawal ng ibenta ng Food and Drugs Administration. Umaabot sa 1,054 hanggang 62,200 ppm ang lebel ng mercury na na-detect sa mga ito batay sa ginamit na X-Ray Fluorescence device ng EcoWaste. Ilan sa mga ito ay ang Yu Dan Tang 10-Day Specific Eliminating Freckle Spot & Double Whitening Sun Block Cream (62,200 ppm); Beauty Girl 6-Day Specific Eliminating Freckle Whitening Cream (35,500 ppm); Yu Dan Tang 6-Day Specific Eliminating Freckle Whitening Cream (30,100 ppm); Jiaoli Miraculous Cream (3,079 ppm) at S’zitang 10-Day Whitening & Spot Day Night Set (2,534 ppm). “As the dumping of mercury-tainted skin lightening products goes on unabated, we urge our health regulators, customs inspectors and local government authorities to tighten noose on cosmetics smugglers,” dagdag pa ni Lucero.