OGIE ALCASID AT GRACE POE
MARAMING nagulat nang umamin si Ogie Alcasid na ang susuportahan niya sa nalalapit na presidential elections ay si Grace Poe at hindi ang manok ni Pangulong Noynoy Aquino na si Mar Roxas. Isa kasi si Ogie sa mga sumuporta noon kay P-Noy kaya ang inaasahan ng marami ay kung sino ang manok nito ay siya rin niyang susuportahan.
Sa presscon ng Sunday variety show ng TV5 na Happy Truck Happinas (dating Happy Truck Ng Bayan), kinumpirma ni Ogie ang pagsuporta sa kandidatura ni Grace. Sa katunayan, dalawang kanta ang isinulat ng singer-composer para sa anak nina FPJ at Ms. Susan Roces.
Ayon kay Ogie, kakantahin niya ang mga ito sa ilang sortie nina Grace at Chiz, “I might join sa Lipa, sa Iloilo, at sa kanyang miting de avance,” sey pa ng mister ni Regine Velasquez.
Nang tanungin kung bakit si Grace ang napili niya, “As a father, as an almost-senior in this country, that’s my opinion. Tandem sila ni Chiz so doon ako sa kanila.”
Dagdag pa nito, “Solid na ‘yan, pero si Regine, hindi ko naman siya isinasali sa ganyan, this is my thing.
Pero alam mo naman yung asawa ko, kung saan ako, doon siya. But I don’t impose on it on her.”
Nauna nang sinabi ni Regine na ang sinusuportahan ng asawa ay base sa prinsipyo at kung sino ang tingin niyang higit na makakatulong sa bansa.
Samantala, magsisimula na sa March 6, 11 a.m. ang bagong-bihis na Sunday musical variety show ng TV5 na Happy Truck Happinas, makakasama pa rin dito ni Ogie sina Janno Gibbs, Gelli de Belen, Tuesday Vargas, Empoy Marquez, Tom Taus, Kim Idol, Alwyn Uytingco, Ritz Azul, Eula Caballero at ang all-girl group ng Viva Artist Agency na Sugar & Spice na tatawagin ding “The Happy Peeps Squad”.
Ka-join din dito ang mga TV5 stars na sina Mark Neumann, Shy Carlos, Alonzo Muhlach, Akihiro Blanco, Yassi Pressman, Ella Cruz, Meg Imperial, Sam Pinto, Bangs Garcia at marami pang iba.
Ilan sa mga kailangan n’yong abangan na mga bagong segments sa Happy Truck Happinas ay ang “Linggo Limbo”, “Dummy Kong Tawa”, ang talent search na “MY DIY (My Daddy Is Yummy), “Mutya Ka Ng Bayan (The Next Beks Factor”, ang remote segments tulad ng “Kalye Diva”, “Ipeg-Peg Mo”, at “Special Delivery”.