Mukhang seryoso na ang namamagitan kay reigning Miss Universe Pia Wurtzbach at sa tinaguriang Sexiest Doctor Alive ng People’s Magazine na si Dr. Mike Varshavski o mas kilala sa mundo ng social media bilang si Dr. Mike.
Sa kanyang Twitter account, ipinost ni Pia ang litrato nila ni Dr. Mike na tila kuha sa isang gym. Nilagyan niya ito ng mensaheng, “Zombies after boxing.” Itinag din ni Pia sa doktor ang nasabing picture.
Kapansin-pansin na palagi nang nagpapalitan ng tweets ang dalawa simula nang magkakilala sila sa ginanap na New York Fashion Week ilang linggo na ang nakararaan. Si Dr. Mike ay isang second-year family medicine resident sa Overlook Medical Center, Summit, New Jersey.
Simula nang mapili siya ng People’s Magazine bilang Sexiest Doctor Alive ay umabot na sa milyun-milyon ang kanyang followers.Nagsimulang magpalitan ng mensahe sa Twitter ang dalawa nang mag-post ang doktor sa Instagram ng picture nila ni Pia na may caption na: “She says she wanted to be a doctor until she realized she’s deathly afraid of the sight of blood, so she decided to win #MissUniverse instead.”
Kamakailan naman ay nagpakita ng concern ang doktor ng magkasakit ang ating Miss Universe. Nag-sorry kasi si Pia sa kanyang noong Feb. 21 dahil hindi raw siya makaka-participate sa ginanap na Facebook Live dahil masama ang pakiramdam niya.
Nagbigay naman ng mensahe si Dr. Mike sa kanya, “Pia Wurtzbach, hope you feel better! I’m sure there’s a good doctor I could recommend.” Nag-reply naman si Pia sa pamamagitan ng isang photo ng isang basket white flowers na naka-arrange na parang aso na may suot na stethoscope with the caption: “Like this guy?”