Makapag-aabroad na ba ngayong 2016?

Sulat mula kay Cathy ng Atalava East, Lingayen, Pangasinan
Dear Sir Greenfield,
Taong 2014 ay nahiway po akong sa aking asawa kasi nambabae siya at mula noon ako na ang bumubuhay mag isa sa dalawang anak naming ng isang 6 years old at isang 4 years old. Namasukan akong katulong at labandera, pero mahirap pa rin ang buhay at lagi pa rin kaming kinakapos. Kaya naman nag-try ako na mag-aplay sa abroad para mabigyan ko ng magandang kinabukasan ang aking mga anak. Itatanong ko lang po kung may pag-asa kaya akong matutuloy na makapangibangbansa sa taong ito ng 2016? May 8, 1988 ang birthday ko.
Umaasa,
Cathy Lingayen,
Pangasinan
Solusyon/Analysis:
Palmistry:
May malinaw namang Travel Line (Illustration 1-1 arrow 2.) sa iyong palad. Tanda na basta’t magsikap ka lang sa pag-aaplay tiyak ang magaganap, darating ang sandali na kakasyahan ka rin ng magandang kapalaran – may isang mabunga at mabiyayang pag-aabroad na itatala sa iyong karanasan.
Cartomancy:
Six of Hearts, Queen of Diamonds at Ace of Diamonds ang lumabas (Illustration 1.). Ang mga baraha ang nagsasabing sa kasalukuyang taon, 2016, sa edad mong 28 pataas, may isang mabunga at mabiyayang pangingibang bansang itatala sa iyong karanasan.
Itutuloy….