Kilalang singer di tumupad sa kontrata, maraming naperwisyo

MASAMA raw ang loob ng network sa isang contract star nila dahil hindi nito sinunod ang ilang detalye sa pinirmahan niyang kontrata.

Tinawagan kami ng a-ming source tungkol dito, “Nu’ng i-renew kasi ang contract niya, sabi niya, gagawin niya lahat ng nasa kontrata at promise niya na uunahin niya iyon bago ang lahat.

“Okay naman nu’ng una, kaso something came up na hindi naman maiiwasan, siyempre. Hayun, disappointed ang management sa kanya,” kuwento ng aming kausap.

Sabi namin, hindi naman talaga maiiwasan ‘yun dahil may mga pagkakataong nangyayari ang hindi dapat, “Kaso ang daming naperwisyo, maraming nabitin sa nangyari kay ____ (pangalan ng singer), kaya lahat ng shows niya, tagilid na.”

Marami pang kuwento ang aming source tungkol sa singer pero mahirap isulat dahil relasyon na nila ito ng kanyang management at wala naman kami nu’ng maganap ang renewal ng contract, basta ang sabi sa amin, “Ang laki ng itinaas na talent fee niya, pero hindi naman sulit.”

Hindi lang nasabi sa amin kung may planong magdemanda ang management laban sa singer dahil sa di nito pagsunod sa mga nakasaad sa kontrata.