Hindi natatakot ang dabarkads ng Eat Bulaga sa pagbabalik ng show ni Willie Revillame sa noontime slot ng TV5.
Ayon mismo kay Bossing Vic Sotto, wala naman daw silang dapat ikatakot, mas maganda nga raw ‘yun at marami nang pagpipilian ang viewers sa tanghali.
Chika pa ni Bossing nang makausap namin siya sa presscon ng MMFF entry nilang “Si Agimat, Si Enteng Kabisote At Si Ako” showing on Dec. 25, wala na naman daw bago sa paglaban ni Willie sa show nila dahil nagkatapat na ang mga programa nila noong nasa ABS-CBN pa ang TV host, “That’s his option. Wala namang bago du’n. Dati pa naman kaming magkasabay.
“Mas marami siguro, mas masaya. Mas marami silang pagpipilian sa tanghali.
Sa akin walang problema.
Matagal na naming kasabay ‘yun, okay lang.
Wala nang dapat ikaba,” dagdag pa ni Bossing.