HINDI nahihiyang aminin ng premyadong aktres na si Amy Austria na tagahanga siya ng tambalang Daniel Padilla at Kathryn Bernardo. Ito ang dahilan kung bakit mas pinili niya ang Pangako Sa Yo ng ABS-CBN kesa sa offer na teleserye ng GMA 7 na malaki rin ang talent fee.
Ayon kay Amy, okay lang kahit support lang siya ng KathNiel loveteam bilang adoptive mother ni Kathryn (Yna Macaspac) sa kuwento. Nang tanungin si Amy tungkol dito ay agad naman siyang umamin, “Yes, oo, huwag na nating banggitin kasi sa kabila ‘yun.”
Ano nga bang mayroon sina DJ at Kath para hangaan niya nang husto? “Sa totoo lang talaga, gusto ko silang makasamang dalawa. Fan nila akong dalawa. At nagagalingan ako sa kanila at gusto ko talaga silang makatrabaho,” tumatawang sabi ng aktres.
Halos lahat daw ng projects ng KathNiel ay napanood ni Amy, “‘Yung Got To Believe, Princess and I, ‘yung movie na ‘She’s Dating The Gangster’, ganu’n, kasi kinikilig ako sa kanila, kahit nga sa taping, kinikilig ako sa kanila, eh kaya sabi ko nga (kapag naglalambingan ang KathNiel), uwi na ako.
Ha-hahaha! “Kinikilig ako sa kanila kapag behind the scenes, ganyan oh, magkahawak kamay sila (sabay turo sa Teen King & Queen) at saka makikita mo sa mga mata nila na love nila ang isa’t isa kaya naiinggit ako,” dagdag pa ng veteran actress.