Eric umaming na-bad trip kina Jake, Ejay ay Marco

Feeling blessed si direk Eric Quizon for having super supportive and nice members of the cast sa pinakamainit na teleserye ng ABS-CBN, ang Pasion de Amor. Walang kaarte-arte at naging pasaway sa mga artista niya.

“Yes, I am. Kasi ang maganda sa kanila they’re all love their work. They all love their characters. So, talagang they are all cooperative and never complains. Maski ano ang ipagawa ko sa kania, ginagawa nila,” ngiti ni direk Eric.

Dahil sa napaka-intense na love story ng Pasion de Amor we asked him kung may na-experience ba siya sa set na may biglang nawawala na lang tapos biglang sabay na makikitang magkasama or may mga nagkakaroon ng hidwaan among his stars.

“Ay, wala naman. I’m very observant, napapansin ko minsan kapag merong tensyon. Tensyon na, I don’t know if it is away but it’s more on a personal level. Minsan may tensyon pero once the camera is grinding, once I’m there, wala lahat.

I’m very lucky to have this cast, kasi iba talaga, including my support, my kontrabidas, lalo na si Teresa (Loyzaga),” lahad niya. Anyway, as we all know, may four weeks pa ang Pasion de Amor na mapapanood sa Kapamilya channel bago mag-TV Patrol.

Simula nang umere ito noong June, 2015 ay talaga namang tinutukan na ng televiewers. In fact, nakakuha pa ito ng pinakamataas na rating na 29.2% last October based sa Kantar Media. Lagi rin daw itong kabilang sa top 10 ng most watched TV program everyday.

Pakaasahan daw ng televiewers na sa mga susunod na episodes ng Pasion de Amor ay mas marami pang maiinit na eksena ang mapapanood. “Marami silang aabangan, marami pang mga seksi na eksena, because it’s all part of the show dahil kumbaga, parang ‘yung peg ng show namin.

Pero more on that we’re going to concentrate on sa takbo ng istroya. At the end of the day, ang susundan ng mga tao will be ‘yung istorya,” sey ni direk Eric.

One thing’s nice na nabuo during the show para kay Direk ay ang pagkakabuo ng friendship ng mga bidang lalaki sa Pasion de Amor na sina Jake Cuenca, Ejay Falcon at Joseph Marco.

“Minsan gusto ko na ngang pagbabatukan ‘yung tatlo na ‘yan, e. Iba talaga, napunta sila sa zone na nagtatawanan, nagkukulitan, hindi mo sila mapigil. Sinasabi ko sa kanila, ‘Hoy, ano ba? Magtatawanan na lang ba tayo?’ Nagagalit ako sa tatlong ‘yan minsan,” kwento pa niya.

Siya raw mismo ay natatawa sa tatlo pero kapag galit na siya nagseseryoso at nagso-sorry naman daw agad sina Jake, Ejay at Joseph.