KALALABAS lamang ng ospital ng mother ko sa mahigit one week na confinement sa Chinese General Hospital dahil sa stroke. Umabot po sa mahigit P40,000 ang bill namin sa semi-private room at salamat sa Philhealth at Senior citizens discount dahil malaki po ang nabawas dito kaya halos wala na sa P10,000 ang binayaran namin paglabas ng hospital. Pero ang doctor’s fee ay hiwalay po ang bayad at umabot din ito ng P15,000. Ask ko lang po sana kung hindi ba talaga kinakaltasan ng Philhealth ang doctor’s fee? Nahiya naman akong magtanong sa doctor ng mother ko. Bagaman nabayaran na po namin ang professional fee ng doctor, gusto ko lang na malinawan ang tungkol dito. Salamat po.
Jennifer Badesa
REPLY: Sa case rate natin, kasama ang bawas ng Philhealth sa professional fee ng mga doctors, either 30% o depende sa values care.
Una, karapatan ng bawat pasyente na sabihin o tanungin sa doktor kung magkano ang deduction sa Philhealth.
Pangalawa, responsibilidad ng mga pasyente o kaanak ng pasyente na humingi ng resibo para makita kung magkano ang nabawas sa Philhealth.
Pangatlo, sakaling tumanggi itong gawin ng mga doktor ay maaaring itawag o isumbong sa Philhealth. Salig na rin sa rules ng Philhealth dapat ikaltas ang Philhealth sa professional fee ng mga doctor at sakaling hindi sumunod dito ay agad na aaksyon dito ang Philhealth.. (Philhealth trunkline 441-7444.) Dr. Israel Francis Pargas OIC Vice-President, Corporate Communications Group Philhealth
May nais ba kayong isangguni sa Aksyon Line? Maaari kayong sumulat sa aming tanggapan Aksyon Line c/o Inquirer Bandera, MRP bldg., Mola st. cor. Pasong Tirad st., Makati City o kaya ay mag-email sa jbilog@bandera.ph, jenniferbilog@yahoo.com.ph or jenniferbilog97@ gmail.com. Hangad ng Aksyon Line na buong puso namin kayong mapaglingkuran sa abot ng aming makakaya.
Ang inyo pong lingkod ay maaari rin mapakinggan sa Radyo Inquirer DZIQ 990AM sa Programang Let’s Talk; Mag-usap Tayo, tuwing Lunes, Miyerkules at Biyernes, alas-7 hanggang alas-8 ng gabi; at Isyu ng Bayan tuwing Linggo, alas-8 hanggang alas-10 ng umaga. Maaari rin po ninyo na matunghayan o mapanood sa pamamagitan ng live streaming www.ustream.tv/channel/dziq.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.