GERALD ANDERSON AT JOROSS GAMBOA
SUNUD-sunod agad ang TV appearance ni Joross Gamboa pagbalik niya ng Pilipinas. Supposed to be isa sa special guests si Joross sa first solo concert ni Edgar Allan Guzman sa Music Museum last Saturday. Sort of reunion sana nina EA at Gerald Anderson ang “Don Romantiko” production number sa show. Pero hindi nakauwi agad si Joross dahil naurong ang flight niya pabalik.
Nag-overweight daw ang bagahe ni Joross sa airport and they were given options. Una, iwan nila ang dalawang malalaking maleta nila or magpa-rebook pauwi ng Pilipinas.
Sakto naman a few days before the concert kalat na ang video scandal ni Joross sa social media. Kaya marami ang nag-isip na sinadya ni Joross ang umiwas muna sa public eye because of his video scandal.
Nakatsikahan naman namin si Gerald after his performance sa concert ni Edgar Allan. Sabi niya, last year pa raw ‘yung video ni Joross at laking gulat din niya na mabilis itong kumalat sa social media.
Pinaalalahanan naman namin si Gerald na mag-ingat siya sa pagkuha sa sarili baka any moment ay may kumalat ding video scandal sa kanya. Pero tiniyak naman ni Gerald na wala siyang ganoong video pero ang tawa nang tawang biro siya sa amin, “Next year, ako naman!”