P38M para sa pamilya ng SAF 44

Ikinatuwa ng mga mambabatas ang paglalaan ng P38 milyon sa budget ng Philippine National Police para sa mga naiwan ng 44 miyembro ng Special Action Force na nasawi sa sagupaan sa Mamasapano noong Enero 25, 2015. Kasama ang pondo sa P88.5 billing budget ng PNP ngayong taon sa ilalim ng General Appropriations Act of 2016. Sinabi ni Negros Occidental Rep. Jeffrey Ferrer, chairman ng House committee on public order and safety, na nananatili ang pangangailangan na tulungan ang pamilya ng SAF 44 na nagbuwis ng buhay alang-alang sa pagpapatupad ng batas. “Whether it is an allotment, assistance or benefit, the amount can be a lot of help to the SAF survivors and families of the Fallen 44,” ani Ferrer. Umaasa naman ang ilang mambabatas na madaragdagan pa ang tulong na ito.