Kaklase ni PNoy nasa shortlist para sa susunod na SC justice

KASAMA ang kaklase ni Pangulong Aquino na si Justice Secretary Alfredo Benjamin Caguioa sa shortlist para sa papalit sa nabakanteng posisyon ni Supreme Court Associate Justice Martin Villarama matapos ang kanyang maagang pagreretiro epektibo noong Enero 16.

Kaklase ni Aquino si Caguioa sa elementary at kolehiyo.

Bukod kay Caguioa, kasama rin sa shortlist sina Court of Appeals (CA)Presiding Justice Andres Reyes at Associate Justice Jose Reyes.

Pawang nakakuha ng pitong perpektong boto ang tatlo mula sa mga miyembro ng Judicial and Bar Council (JBC).

Nakakuha naman si dating Commission on Audit (COA) chair Grace Pulido-Tan ng limang boto at apat na boto si Court of Appeals Associate Justice Apolinario Bruselas.