KINATIGAN ng Korte Suprema ang naunang desisyon ng Commission on Elections (Comelec) na nagdedeklara kina Elly Pamatong at Rizalito David bilang nuisance na kandidato matapos namang maghain ng certificate of candidacy (COC) para sa Mayo 2016 presidential race.
Iniakyat ng dalawa ang kanilang kaso matapos namang silang idiskwalipika ng poll body.
Sa kanyang apela sa SC, sinabi ni David na hindi siya binigyan ng due process ng Comelec matapos namang ideklara ng poll body na hindi niya kayang pondohan ang kanyang kampanya bilang independent na kandidato.
Nauna nang naghain si David ng petisyon laban kay Sen. Grace Poe sa Senate Electoral Tribunal (SET) na kumukwestiyon sa kanyang residency at citizenship.
Samantala, sinabi ng kampo ni Pamatong na “for the third time, the Comelec has sabotaged the COC of Elly Pamatong by invoking a repealed provision of the SOCE (statement of contributions and expenses) law, which is no longer an election offense, against him.”
“The Court, uniformly, in Minute Resolutions, dismissed the petitions on the ground that the Comelec did not act with grave abuse of discretion,” sabi naman ng Korte Suprema matapos katigan ang desisyon ng Comelec.