Sa Terminal 3 pa lang ay pinagkaguluhan na ang lead actor ng seryeng Princess And I ng ABS-CBN at talagang hindi siya pinakawalan ng mga tao roon hangga’t hindi siya nagpapa-picture.
Halos hindi na makadilat sa antok ang batang aktor dahil ilang araw na raw siyang walang tulog dahil talagang lagare siya sa taping at shows.
At pagdating naman sa Butuan airport kahapon ay talagang sinalubong si Daniel ng mga bagets niyang supporters at sabi nga sa kanya ng mayor ng Butuan City na si Ginoong Ferdinand Amante Jr., “You bring storm here in Butuan,” at nagbigay galang naman ang batang aktor.
Awang-awa kami bossing Ervin sa bagets dahil maski na pinalibutan na siya ng production staff ay nagawa pa rin siyang hilahin para kunan ng litrato at pisilin ang mga braso.Idiniretso kaagad si Daniel sa Almont Inland Resort at hindi pa nakakapaghubad ng sapatos ay bumagsak na sa kama at tulog at hindi na nagawang kumain ng tanghalian at nagbilin na lang ang handler niyang si Luz Bagalacsa na huwag nang gisingin para makabawi ng puyat.
As of this writing ay kasalukuyang tulog pa rin si Daniel bossing Ervin kaya hindi pa namin siya nakakatsikahan para tanungin tungkol sa plano niya ngayong Disyembre dahil balita namin ay sa Hongkong silang pamilya magdiriwang ng Pasko hanggang Bagong Taon dahil pagdating ng Enero 2013 ay ratsada na naman siya ng taping at shooting ng dalawang pelikula.
Bukas na namin ikukuwento ang nangyari sa show plus pictures, promise.