Arestado ang isang babaeng pulis at dalawa pang tao nang makuhaan ng hinihinalang shabu sa buy-bust operation sa Zamboanga City kahapon ng gabi, ayon sa pulisya.
Nadakip sina PO1 Charlotte Foncardas, miyembro ng Tourist Police; Rito Esperat, 44; at Joy Perez, 24, sabi ni Chief Insp. Joel Tuttuh, tagapagsalita ng Zamboanga City Police.
Dinampot ang apat sa anti-illegal drugs operation sa Barigon, Brgy. Tugbungan, dakong alas-7:30.
Mga elemento ng Anti-Illegal Drugs Special Operations Task Force ng Zamboanga City Police Station 6 ang nagsagawa ng operasyon, ayon kay Tuttuh.
Nakuhaan ang mga suspek ng mga sachet na may hinihinalang shabu, improvised tooter, gunting, lighter, dalawang ni-rolyong tissue paper, tatlong aluminum foil strip, at limang tig-P100 papel na ginamit bilang “marked money,” ani Tuttuh.