Aabot sa 39 katao ang sugatan nang mahulog ang isang pampasaherong bus sa Tagkawayan, Quezon, kahapon, ayon sa pulisya.
Dinala sa Tagkawayan District Hospital ang 39 pasahero ng Diamond bus (TYM-583) dahil sa mga pinsalang tinamo, sabi ni Senior Supt. Ronaldo Ylagan, direktor ng Quezon provincial police.
Naganap ang insidente sa bahagi ng Quirino Highway na sakop ng Brgy. San Vicente dakong alas-8:30 ng gabi, aniya.
Minamaneho noon ng isang Roger Bantillo ang bus, ani Ylagan, gamit bilang basehan ang inisyal na ulat na nakarating sa kanyang tanggapan.
Inaalam pa ng lokal na pulisya ang sanhi ng insidente
MOST READ
LATEST STORIES