Rain or Shine Elasto Painters pinataob ang Meralco Bolts, 97-87
Mga Laro Bukas
(Araneta Coliseum)
4:15 p.m. Talk ‘N Text vs Globalport
7 p.m. Star vs Blackwater
NANATILING palaban ang Rain or Shine Elasto Painters para sa outright Final Four slot sa 2015-16 Smart Bro-PBA Philippine Cup matapos patumbahin ang Meralco Bolts, 97-87, kahapon sa Smart Araneta Coliseum sa Cubao, Quezon City.
Nagtala si Raymond Almazan ng career-high sa puntos (21) at rebounds (17) habang si Jeff Chan ay gumawa ng 24 puntos para sa Elasto Painters na umangat sa 8-2 karta at solo ikalawang puwesto papasok sa huling tatlong playdates sa elimination round.
“We had to bleed for this one, which is a really big game for us,” sabi ni Rain or Shine coach Yeng Guiao. “We have one game to go, that’s going to be a playoff game for us.”
Ang susunod na makakaharap ng Rain or Shine ay ang NLEX sa Sabado kung saan ang panalo ay magbibigay sa Elasto Painters ng No. 2 spot at ikalawang awtomatikong semifinal slot habang ang pagkatalo ay magreresulta ng playoff kontra Alaska o San Miguel Beer.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.