HINDI nagustuhan ng milyun-milyong AlDub fans ang pag-like ng isang director sa comment ng isang guy na sana ay pagbihisin naman nang maayos si Yaya Dub para hindi ito magmukhang yaya.
Kaya naman talagang kinuyog ang director ng Sunday noontime show ng Siyete na si Rich Ilustre.
Kaliwa’t kanang lait ang inabot ni direk Rich sa social media. Talagang pinagtulungan ng AlDub fans ang direktor dahil lang sa pag-like nito sa isang netizen na pumuna kay Maine Mendoza.
Lalo pang nagwala ang fans ni Yaya Dub nang mag-comment si direk Rich about Alden Richards and Julie Anne San Jose’s relationship.
May nagtanong kasi kung totoong magdyowa pa rin sina Alden and Julie Anne and apparently, sumagot daw ng “Yup” si direk Rich.
But later, someone said that nadoktor ang sagot ni direk Rich and what he really said was nope.
Nag-apologize naman si Rich sa AlDub fans and tweeted, “To #AldubNation, I sincerely apologize. I was wrong. It was a mistake on my part. Rest assured I will be more cautious in the future.”
Isang maikling sagot lang ang tila naging tugon ni Alden sa nasabing issue na ipinost niya sa Twitter. Anang Pambansang Bae, “Not true!”