Kilig pa more ang bawat gabi ng mga manonood sa pagkikita nina Bailey May at Ylona Garcia sa top-rating teleserye na On The Wings Of Love.
Fresh from their PBB 737 stint, sasabak na agad sa aktingan ang magka-loveteam at jackpot sila dahil sa OTWOL agad sila isinama ng Dreamscape Entertainment.
Sa pagbisita nina Clark (James Reid) at Leah (Nadine Lustre) sa Ilocos, magkakakilala ang pinsan ni Clark na si Harry (Bailey) at ang second cousin ni Leah na si Audrey (Ylona).
May umusbong kayang pag-ibig sa kanilang unang pagkikita? Ano naman kaya ang maging reaksyon ng kanilang Kuya Clark at Ate Leah? Huwag palampasin ang mga kapana-panabik na eksena sa On The Wings Of Love gabi-gabi sa ABS-CBN.
In fairness, waging-wagi pa rin sa ratings game ang OTWOL ng JaDine. Maging sa social media ay laging trending ang mga eksena nina James at Nadine at natitiyak namin na sa pagpasok nina Bailey at Ylona sa nasabing Primetime Bida series mas tataas pa ang rating nito dahil napakarami na ring followers ng dalawang bagets.