Mga Laro Ngayon
(Araneta Coliseum)
4:15 p.m. Global Port vs NLEX
7 p.m. Mahindra vs San Miguel Beer
Team Standings: San Miguel (6-1); Alaska (6-1); Rain or Shine (6-1); Talk ‘N Text (4-2); GlobalPort (4-3); NLEX (4-3); Barangay Ginebra (4-4); Barako Bull (3-4); Mahindra (2-5); Star (2-6); Blackwater (1-6); Meralco (1-7)
PAKAY ng San Miguel Beer na matuhog ang ikalimang diretsong panalo sa pagharap nito sa Mahindra Enforcers at kumawala sa three-team logjam sa ibabaw ng team standings ng 2015 Philippine Cup ngayon sa Smart Araneta Coliseum.
Kasalukuyang katabla ng nagdedepensang kampeong Beermen ang Alaska Aces at Rain or Shine Elastopainters sa liderato na pawang may 6-1 record.
Kung mananalo ang San Miguel mamaya ay maitatala nito ang pinakamahabang winning streak sa torneyo bukod pa sa pag-angat nito sa solong liderato at makalapit sa inaasam na outright semifinals berth na ibibigay sa top two teams ng elims.
Sa isa pang laro, maghihiwalay ng landas ang GlobalPort at NLEX na kasalukuyang tabla para sa ikalimang puwesto.