“Sana nakakatulog siya sa gabi sa ginawa niya,” ang mensahe ni Angelica Jane Yap alyas Pastillas Girl sa ginawa nitong pagpatay sa inang si Teresa Hernandez sa Caloocan noong Linggo ng gabi.
Sa isang TV interview, si-nabi ni Angelica na ipinagdasaral nila na sana’y mahuli agad ang killer ng kanyang ina at pagbayaran nito ang kanyang krimeng nagawa, “Sa ngayon pinapaimbestigahan ang nangyari,” anang dalaga.
Bukod sa love angle, hindi pa rin isinasantabi ng otoridad ang anggulong politikal sa pagpaslang sa ina ni Pastillas Girl. Pero para sa dalaga, ayaw muna niyang mag-speculate.
“Actually sa panahon na ito ay mahirap magsabi kung sino o ano ang matibo, kung bakit ginawa ‘yon sa mommy ko. Kasi ang daming angles na pwedeng tingnan pero siyempre ‘yun lang ang gagawin namin.
Magbibigay kami ng information kung ano ang alam namin at kung ano ang totoo para ma-solve,” pahayag nito. Nang tanungin kung paano niya ide-describe ang kanyang nanay na nakatakdang ilibing sa darating na Linggo, “Sa kanya ko namana ‘yung pagiging matapang.
Iyakin siya pero talagang pure heart ang meron ang mommy ko. Wala akong masasabi.” Dagdag pa ni Angelica, nagpapasalamat siya sa lahat ng mga nakiramay sa kanilang pamilya, lalo na doon sa mga netizens na nanghusga sa kanilang mag-ina noon, “Doon siya nag-stand up for me, sa lahat ng nag-judge, sa lahat ng bumatikos sa aming mag-ina.
“Na-appreciate ko ang pakikiramay nila after everything na sinabi nila, natutuwa ako kasi nakikiramay sila para sa amin, para sa mommy ko,” sey pa ni Pastillas Girl.