“Noong narinig ko lang na magkakatrabaho kami noong una ay kinakabahan ako.
Parang naiisip ko baka mailang ako,” pag-amin ni Bea nang makachikahan niya ang press.
Pero noong nagsusyuting na ay nawala ang kaba ni Bea, “Noong nandoon ako ay wala naman kabang naramdaman.
Natuwa pa nga ako kasi meron kaming limang araw na magkasama buong araw.
Parang ang sarap din pala na somehow ay katrabaho mo ‘yung boyfriend mo tapos wala kayong issue kasi ang tagal naming hindi nakikita ang isa’t isa kasi noong time na ‘yon ay kakagawa ko lang ng ‘The Mistress’.
Ang sarap ng lagi ko siyang kasama.”
Pero iba ang naramdaman ni Zanjoe. Merong pressure para sa kanya ang pagsasama nila ni Bea lalo pa’t magkaeksena silang dalawa.
What makes it more challenging ay bading ang role niya rito.
“Habang inaaral ko ‘yung character dagdag pa ‘yung kasama ko si Bea ay medyo nagkaroon ng konting problema sa umpisa.
Actually, yun pong mga unang araw namin hindi ko alam kung ano ang gagawin ko,” pag-amin ng hunk actor.
Pero naging malaking tulong ang mga baklita sa set para maitawid ni Zanjoe ang kanyang character, “Doon po sa set (ay) maraming bakla,” sabi niya.
It also helped na pati ‘yung taga-ayos ni Bea ay naging inspirasyon niya para sa kanyang role.
Sabi ni Bea sa kanyang last interview ay savior niya si Zanjoe. He was like a shining armor.
When asked to comment about it ay ito ang sabi ng hunk actor, “Nakakatuwa na hindi ko naman alam ang mga ganyang bagay tapos after ilang taon ay malalaman ko.
Meron pala akong nagawang mabuti.”
Dagdag pa niya Bea, “Lagi niya akong pinapasaya.
Alam mo ‘yung lagi niya akong niyayakap, masayang-masaya na ako kasi hindi siya ganoon dati.
Somehow kapag gumaganoon siya I feel important.”