DALAWA lamang sa anim na mga kandidatong tumatakbo sa pagkabise presidente ang dumalo sa vice presidential forum sa University of the Philippines (UP) sa Quezon City.
Tanging sina Sen. Francis Escudero at si Camarines Sur Rep. Leni Robredo ang dumalo sa forum na tinawag na “Ang Pagsusuri.” Si Escudero ang running mate ni Sen. Grace Poe, samantalang si Robredo naman ang running mate ni dating Interior Secretary Mar Roxas.
Hindi naman dumalo sina Sen. Ferdinand “Bongbong” Marcos Jr., Alan Peter Cayetano, Antonio Trillanes IV, at Gringo Honasan.
Si Marcos ang ka-tandem ni Sen. Miriam Defensor-Santiago, samantalang si Cayetano ang ka-tandem ni Davao City Mayor Rodrigo Duterte at running mate naman si Honasan ni Vice President Jejomar Binay.
Bagamat walang ka-tandem, suportado naman ni Trillanes si Poe. Inquirer.net