Isang netizen ang nag-post sa social media tungkol sa diumano’y pagtiwalag ni Kathryn Bernardo sa Iglesia Ni Cristo kaya raw napapayag na itong i-endorse si Mar Roxas para sa 2016 presidential race.
Kinontra nito ang lumabas na balitang may basbas daw ng INC ang pagsuporta ng Teen Queen kay Mar, wala raw itong katotohanan ayon sa nasabing netizen na diumano’y isang INC minister.
Hindi raw totoong nagpaalam si Kathryn sa INC para iendorso ang kandidatura ni Mar, sariling desisyon daw ito ng dalaga at walang kinalaman ang Iglesia Ni Cristo sa isyung ito.
Wala rin daw naganap na meeting sa pagitan ng mga INC executives at sa pamilya ng Kathryn tulad ng napapabalita. Ayon sa nasabing netizen, matagal na raw wala sa INC ang ka-loveteam ni Daniel Padilla na hayagan na rin ang pagsuporta sa kandidatura ng mister ni Korina Sanchez.
Ilang patunay dito ay ang pagsusuot ng dalaga ng Mrs. Santa Claus outfit at ng kuwintas na may crucifix pendant. Samantala, mariing pinabulaanan ng kampo ni Mar Roxas na binayaran nila ng milyun-milyon sina Kathryn at Daniel para lang iendorso ang dating kalihim ng DILG.
Huwag naman daw sanang kuwestiyunin ang paninindigan ng dalawang bagets pagdating sa isyu ng politika. Suportado naman ng KathNiel fans ang naging desisyon ng Teen King & Queen.