N
NAGPAKAMATAY ang isang security guard matapos mang-hostage at walang habas na nagpaputok sa isang tindahan sa Rizal ave., sa Maynila ngayong hapon.
Tumagal ng 20 minuto ang pamamaril ng security guard ng Chain Glass Enterprise matapos siyang imbestigahan ng mga pulis mula sa Manila Police Distric (MPD) kaugnay ng isang insidente ng pagnanakaw sa naturang kompanya. Tatlo ang sugatan, ayon sa MPD.
Inakusahan ang guwardiya na sangkot sa pagnanakaw ng P1 milyon sa kompanya.
Nagdulot naman ng matinding trapik ang hostage-taking kung saan napilitang isara ang mga kalapit na Pampanga st. at Laguna st.
Sinabi ng MPD na isa ang nasawi, samantalang dalawa ang sugatan matapos ang insidente.
Dumating naman ang asawa ng guwardiya para kausapin ang mister.
Natapos ang negosasyon para mapasuko ang suspek ganap na alas-2:30 ng hapon, sa pulisya.