P150M jackpot sa Super Lotto 6/49 bukas

Inaasahang aabot sa P150 milyon ang jackpot prize ng Super Lotto 6/49 sa bola nito sa Huwebes.
Ayon sa Philippine Charity Sweepstakes Office walang tumama sa P144.8 milyong jackpot prize ng Super Lotto noong Martes ng gabi kung saan lumabas ang number combination na 21-09-23-26-05-35.
Nanalo naman ng tig-P45,540 ang 38 mananaya na nakakuha ng limang numero.
Tig-P640 naman ang 2,135 mananaya na nakakuha ng apat na numero at balik ang P20 taya ng 37,996 mananaya na nakatatlong numero.
Ang Super Lotto ay binobola tuwing Martes, Huwebes at Linggo. Nagkakahalaga ng P20 ang taya sa bawat anim na numerong kombinasyon.