Engineer tinumba

Patay ang isang engineer nang pagbabarilin ng di pa kilalang salarin sa Tubigon, Bohol, kagabi, ayon sa pulisya.

Nasawi si Engr. Landy Torregosa, 70, residente ng Brgy. Poblacion, Tubigon, sabi ni Supt. Renato Dugan, tagapagsalita ng Central Visayas regional police.

Naganap ang pamamaril sa tapat ng isang fastfood restaurant malapit sa daungan ng Brgy. Poblacion dakong alas-10, aniya.

Ikinasawi ni Torregosa ang mga tama ng bala sa ulo at likod, ani Dugan, gamit bilang basehan ang inisyal na ulat ng Bohol police.

Inaalam pa ng mga imbestigador ang pagkakakilanlan at motibo ng salarin, ani Dugan.