NGAYON pa lang ay super excited na si Piolo Pascual sa pagdalo sa nalalapit na International Emmy Awards na gaganapin sa New York. Isa ang Kapamilya actor sa magiging special guest at presenter sa nasabing award ceremony.
Makakasama niya rito ang ilang sikat na international stars tulad nina Michael Douglas at Tovah Feldshuh ng Hollywood TV series na The Walking Dead. “It really overwhelms. This is something new for me and I’m just excited to be there and represent the country with Tita Charo (Santos-Concio) and I’m really excited because we’re carrying the flag of the Philippines.”
Tatayo ring gala chair si ABS-CBN President and CEO Charo Santos na siyang magbibigay ng opening address sa nasabing international entertainment event. Isa raw itong malaking karangalan para sa bansa, ayon kay Piolo.
“It definitely shows that we have what it takes to conquer the global scene for Tita Charo to head the board. It’s quite a feat as well and you know to accompany her and to present, para lang napakalaking karangalan hindi lang para sa atin at sa ABS-CBN kundi for the Philippines,” chika pa ng aktor.