FRIENDS pa rin daw si Heart Evangelista at ang nanay-nanayan niyang si Sen. Miriam Defensor Santiago kahit nasa magkabilang panig sila sa larangan ng pulitika.
Ani Heart, nakausap na niya si Sen. Miriam tungkol sa desisyon niyang suportahan si Sen. Grace Poe na siyang running mate ng asawang si Sen. Chiz Escudero.
“Tita Miriam said, ‘You know, it’s right that you stand by your husband. And I respect that,’” sabi ni Heart sa launch ng kaniyang beauty book na “This is Me, Love Marie” noong Linggo.
Hirit pa ng aktres, “And we’ll always be friends. Even if we don’t talk, or we talk after how many years, friends don’t forget each other. So, wala kaming problema.”
Wala ring problema si Heart kahit suportado ng mommy niyang si Cecille Ongpauco si Sen. Miriam, “It’s not a problem. We’re all entitled to who we want (to support).”
Pati si Grace, naiintindihan din ang mommy ni Heart sa kaniyang desisyon, “I understand her sentiments. I only met her maybe a month ago, samantalang matagal na niyang kilala at mentor niya si Senator Miriam,” ani Grace patungkol sa nanay ni Heart.