Sulat mula kay Nita ng Almedras, Padada, Davao del Sur
Problema:
1. Gradueyt ako ng kursong HRM at sa kasalukuyan ay naghahanap ng trabaho. Dalawang beses na akong nakapagtrabaho ang kaso puro contractual lang kaya pagkatapos ng kontrata istambay na naman ako. Gustong-gusto ko ng magkaroon ng trabaho na regular para makatulong ako sa aking mga magulang lalo na ngayong malapit na ang pasko.
2. Sana sa papamagitan ng pagaanalisa nyo sa aking kapalaran ay malaman ko kung kailan ako magkakaroon at kung paano ako susuwertehin sa aking career at kung bago kaya sumapit ang pasko magkaka-trabaho na kaya ako ng regular? June 10, 1989 ang birthday ko.
Umaasa,
Nita ng Padada, Davao| del Sur
Solusyon/Analysis:
Astrology:
Ang zodiac sign mong Gemini (Illustration 2.) ang nagsasabing sa tulong ng isang babaing isinilang sa zodiac sign na Sagittarius, may isang mabunga at mabiyayang paglalakbay na itatala sa iyong kapalaran. Ibig sabihin kung inaasahan mong dito ka magkakaroon ng maganda at regular na trabaho sa ating bansa, nagkakamali ka, sa halip, ang tunay na magandang kapalaran ay matatagpuan sa ibayong dagat.
Numerology:
Ang birth date mong 10 ay nagsasabing sa sandaling nakapag-abroad ka na, tuloy-tuloy na ang maraming pagpapabalik-balik at mabungang pag-lalakbay ang itatala sa iyong kapalaran hanggang sa tuloy-tuloy ka ng umasenso at umunlad.
Luscher Color Test:
Upang lalong matupad ang nasabing positibog pag-aanalisa ng iyong kapalaran mas maganda kung lagi kang magsusuot ng paborable mong kulay na dilaw, silver, gray at puti.
Huling payo at paalala:
Nita hindi pa sa ngayon nakatakdang gumanda ang iyong career at hindi rin dito sa ating bansa. Bagkus ayon sa iyong kapalaran kung mag-aaplay ka na ngayon sa abroad, tiyak ang magaganap sa susunod na taong 2016 sa Enero o kaya’y Marso sa edad mong 27 pataas, may isang mabunga at mabiyayang pangingibang bansang itatala sa iyong kapalaran at ang pag-aabroad na ito ang siya na ring magiging simula upang tuloy-tuloy ng gumanda at lalo pang sumagana ang career mo.