Pangasinan niyanig ng magnitude 5.7 lindol

Niyanig ng lindol na may lakas na magnitude 5.7 ang Pangasinan ngayong umaga.
Ayon sa Philippine Institute of Volcanology and Seismology naramdaman ang lindol alas-3:40 ng umaga at ang sentro nito ay 58 kilometro sa kanluran ng bayan ng Bolinao at may lalim na 45 kilometro.
Posible umanong magkaroon ng mga aftershock sa pagyanig na ito.
Nagdulot ito ng Intensity III paggalaw sa Dagupan City at Intensity II sa Baguio City.