Claudine nagpakatotong AlDub fan; konontra ang bashers

By: 9 years ago

HINDI na nakatiis at rumesbak ang aktres si Claudine Barretto sa mga bashers na umokray sa ginawa niyang paghanga sa love team nina Alden Richards at Maine Mendoza alyas “Yaya Dub”.

Ilang netizens ang nagpahayag ng pagkainis kay Claudine matapos itong mag-post sa kanyang Instagram account noong “Tamang Panahon” episode sa Philippine Arena sa Bulacan na may caption na ““Love u Aldub! #aldubfan.”

Chika ng mga bashers hindi dapat ito ginawa ni Claudine dahil isa siyang talent ng ABS-CBN na kalaban ng GMA, lalo pa na ngayon na binigyan siya ng second chance ng network at mabigyang ng dalawang projects na “Maalaala Mo Kaya” at “Etiquette for Mistresses.”

Sabi naman ni Claudine nagpapakatotoo lang siya sa kanyang sarili — na siya nga ay fan ng AlDub.

“Pasensya na po sa mga ayaw ng AlDub pero kanya kanya po tayo ng hinahangaan. Napapasaya po ng AlDub ang mga anak ko, bilang magulang natutuwa ako na nato-touch na maganda ang natututunan ng mga anak ko sa kanila. Respeto na lang po sa desisyon ng bawat isa… Nagpapakatotoo lang po. Peace,” pahayag ni Claudine.

Gayunman, humingi naman ng sorry si Claudine sa mga tao na hindi natuwa sa kanyang post.

“Sa mga hindi fans ng AlDub sorry po kung nasaktan ko po kayo. Pero ang totoong fan ay di dapat matakot na ipaalam at ipaglaban ang mga iniidolo natin. Wala po akong masamang sinasabi tungkol sa iba. Natutuwa lang po ako na pinasasaya nila ang mga anak ko. Wala po akong sinsadyang saktan kahit sino sa inyo. I’m sorry po pero respetuhin po natin ang isa’t isa,” she said.