Sumabog na noong Biyernes ang pinakamalupit na rebelasyon sa maaksyon at numero unong teleserye ng primetime na Ang Probinsyano.
Hindi na mapipigilan ang suspense at aksyon dahil ang pinakahihintay na rebelasyon sa tunay na pagkatao ni Cardo (Coco Martin) ay nabunyag na – na si Cardo pala ay nagpapanggap lamang bilang ang kambal niyang si Ador.
Malaman na rin kaya nila na patay na ang tunay na Ador? Paano mabubunyag ang lihim at ano ang magiging reaksyon ng mga makakaalam ng lihim?
Hindi na mapipigilan ang suspense at aksyon sa pinakamalupit na teleserye ng primetime, Ang Probinsyano, Lunes hanggang Biyernes sa Primetime Bida ng ABS-CBN. Kasama rin dito sina Bela Padilla, Maja Salvador, Arjo Atayde, Jaime Fabregas, Susan Roces at marami pang iba, sa direksiyon ni Malu Sevilla.
Bukod sa Ang Probinsiyano, gagawa rin ng pelikula si Coco kasama si Angel Locsin under Star Cinema. Anyway, sinorpresa ng kanyang mga kasamahan sa Ang Probinsiyano si Coco sa nakaraan nilang taping. He’s turning 34 today.
Sa mga nakita naming litrato na kuha sa set ng kanyang serye, kalong pa niya ang bagong child wonder na si Simon “Onyok” Pineda na sikat na sikat na rin ngayon dahil sa role niya sa Ang Probinsiyano.