Sinorpresa ni Korina Sanchez ang kanyang asawang si former DILG Sec. Mar Roxas noong Martes para sa kanilang 6th wedding anniversary.
Kinarir ng Rated K host ang paggawa ng isang homemade gift na tiyak daw na magugustuhan ng kanyang mister. Nag-bake ang award-winning broadcast journalist ng blueberry cheesecake na paborito raw ni Mar.
Bago ito, nauna nang nagbigay ng kanyang sorpresa si Sec. Mar kay ate Koring – isang simple but sweet advance celebration of wine. Sa kanyang Instagram account, ipinakita pa ni Korina kung paano siya nag-prepare para sa paggawa ng cheesecake.
Isang litrato ng mga ginamit niyang ingredients ang ipinost niya sa IG na may caption na: “Wala si Mar…I will surprise him with an anniversary blueberry cheesecake! I’m all set! Kailangan matapos before he gets back!!!”