HANGGANG ngayon ay matipid pa rin sa pagsagot ang Beautiful Strangers stars na sina Lovi Poe at Rocco Nacino tungkol sa isyu ng pagpapakasal.
Ayon sa magdyowa, talagang marami pa silang priorities sa kanilang mga respective career kaya walang-wala pa silang planong magpakasal in the near future. Sey nga ni Rocco, ine-enjoy lang nila ni Lovi ang kung anong meron sila ngayon at ang mahalaga ay patuloy na nagiging strong ang kanilang samahan.
Sa pagpapatuloy naman ng kuwento ng kanilang Beautiful Strangers ngayong gabi sa GMA Telebabad: Masaya si Alejandra sa propaganda na kanyang ginawa para mapabango ang pangalan kahit na ang naging kapalit nito ay ang pananakit ni Kristine sa kanya.
Makakarating naman kay Ronaldo ang balita ng pagsu-god ni Kristine kay Alejandra. Alam ni Ronaldo na pakana ito ng asawa kaya kukumprontahin niya ito na patahimikin na si Kristine.
Yayayain ni Noel si Joyce na magbagong buhay kasama niya. Plano niyang lumayo sa lahat ng mga problemang nagkumplika sa kanilang pamamahalan. Puno pa ng pag-asa si Noel na maibabalik pa nila ni Joyce ang naudlot nilang mga pangarap.
Maririnig ni Lawrence ang offer ni Noel kay Joyce. Ipaglalaban din ni Lawrence ang nararamdaman niya kaya yayayain din niyang sumama si Joyce sa kanya. Hindi magiging madali para kay Joyce ang mamili kina Noel at Lawrence.
Titiisin na lang ni Kristine ang mga pagpapahirap niya sa loob ng kulungan. Pinapangako niyang lalayo na lang siya sa gulo para hindi ito makaapekto sa kaso laban sa kanya. Mababalitaan niya na gumagawa din ng paraan si Noel para mapalaya siya.
Samantala makakapagdesisyon na rin si Joyce kung kanino siya sasama at magsisimula ng bagong buhay, kay Lawrence. Ikasasama ng loob ni Noel ang naging desisyon ni Joyce. Dahil doon ay hindi magtatagumpay si Noel sa plano niyang kumbinsihin si Joyce na iurong na ang kaso laban kay Kristine.
Hihingi ng tawad si Joyce kay Noel dahil hindi na niya matutulungan si Kristine na lumabas sa kulungan. Dadalhin ni Lawrence si Joyce sa resthouse ng Pamilya Castillo sa Tagaytay.
Pareho nilang kakalimutan ang lahat ng kumplikasyon sa Maynila at susundin ang kanilang mga puso. Kasunod nito ay mabilis nilang paplanuhin na ituloy ang naudlot nilang kasal.
Makakarating din kina Alejandra at Rigor na nasa Tagaytay sina Lawrence at Joyce. Hindi na magsasayang ng oras si Alejandra at gagawin niya ang lahat para pigilan ang kasalan.
Maririnig naman ni Kristine ang planong pagtakas ng mga preso kasama si Georgia. Walang planong tumakas si Kristine pero madadamay siya sa aksidenteng magaganap sa sasakyan nila kasama ng mga preso.