NAAKSIDENTE ang Kapamilya teen star na si Ella Cruz habang nasa rehearsal ng gagawin sana niyang production number sa It’s Showtime kanina.
“Akala ko po ‘yun na yung katapusan ko or katapusan ng career ko,” ang sabi ni Ella sa kanyang Instagram account matapos ang aksidente. Hindi na nakasali ang dalaga sa kauna-unahang grand finals ng “Clash of Celebrities” segment ng Showtime kanina.
Nag-sorry din ang aktres-dancer sa kanyang fans sa hindi niya pagsipot sa noontime show ng Dos, “Nagrehearsal na ako nung Wednesday para sa mga gagawin kong stunts,” paliwanag ni Ella.
Dagdag pa nito, “Pero may aksidente po na nangyari habang ginagawa naman ‘yung isang stunt. At akala ko po yun na ang katapusan ako. …Pero nagpasalamat ako kay God dahil binigyan Niya pa ako ng pagkakataon.”
Sey pa ng dalaga, hindi pa rin niya naigagalaw nang maayos ang kanyang katawan pero aniya unti-unti nang bumubuti ang kanyang kundisyon. Kailangan pa raw niya ng tatlong araw na pahinga para tuluyang gumaling.
“Salamat sa lahat ng nagaabang sa akin …Pero some things are not meant to happen. Ganun talaga,” mensahe pa ni Ella sa kanyang mga tagasuporta.
READ NEXT
OFW may benepisyo ba sa ECC?
MOST READ
LATEST STORIES