VICE GANDA
Buwis-buhay ang production number ni Vice Ganda bukas, Saturday, dahil sixth anniversary ng It’s Showtime.
Star-studded din ang celebration ng It’s Showtime Kapamilya Day: The ANIMversary Kick-off dahil halos lahat ng malalaking Kapamilya stars ay naroroon sa pangunguna siyempre ni Kris Aquino. Of course, ka-join din ni Vice Ganda ang co-hosts na sina Anne Curtis, Vhong Navarro, Billy Crawford, Karylle, Kuya Kim Atienza, Jhong Hilario, Jugs Jugueta and Teddy Corpuz, Coleen Garcia, Ryan Bang and Eruption sa kanilang celebration. Ngarag na ngarag na nga si Vice dahil pagkatapos ng Showtime ay diretso na siya sa rehearsal ng anniversary presentation nila. Eh, meron pa siyang taping for Gandang Gabi Vice at shooting for his movie with Coco Martin. Anyway, kaabang-abang ang most popular love teams nina Kathryn Bernardo and Daniel Padilla (KathNiel), Nadine Lustre and James Reid (JaDine), Liza Soberano and Enrique Gil (LizQuen) at Kim Chiu and Xian Lim (KimXi) na magpe-perform din bukas.