Panaginip ng anak ang nagbigay ng suwerte sa 61-anyos na lalaki na nanalo ng P55.1 milyong jackpot prize ng Grand Lotto 6/55 noong Setyembre 14.
Pumunta na sa Philippine Charity Sweepstakes Office ang 61-anyos na lalaki na mayroong apat na anak.
Siya ang nag-iisang nakakuha ng lumabas na number combination na 4-16-27-28-29-30 na galing umano sa panaginip ng kanyang anak na babae.
May 15 taon na umano siyang tumataya sa lotto at nagkakahalaga ng P60 ang kanyang itinaya ng maka-jackpot.
Plano ng nanalo na palakihin ang kanyang fish trading business at magtabi para sa kinabukasan ng kanyang mga anak.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.