Lumang pangalan nanguna sa latest SWS survey para sa senador

PAWANG mga ‘lumang’ pangalan ang mga nanguna sa survey sa pagkasenador ng Social Weather Station.

Nanguna si Sen. Tito Sotto na nakakuha ng 54 porsyentong rating sa mga tinanong kung sinu-sino ang kanilang iboboto sa pagkasenador.

Sumunod naman si dating Sen. Panfilo Lacson (47), Sen. Ralph Recto (43), Senate Presidente Franklin Drilon (42), Sen. Bongbong Marcos (40) at dating Sen. Francis Pangilinan (40).

Nasa ika-pitong pwesto naman sina Justice Sec. Leila de Lima (33), na sinundan nina dating Sen. Juan Miguel Zubiri (32), at Sarangani Rep. Manny Pacquiao (30).

Sumunod naman si dating Sen. Richard Gordon (29), Sen. Serge Osmena (28), at pang-12 si Las Pinas Rep. Mark Villar (24).

Ang reelectionist na si Sen. TG Guingona at Camarines Sur Rep. Leni Robredo ay parehong nakakuha ng 23 porsyento at sinundan nina PhilHealth director Risa Hontiveros (21), Taguig Rep. Lino Cayetano (21), Quezon City Mayor Herbert Bautista (18), Buhay Rep. Lito Atienza (18) at Batangas Gov. Vilma Santos (18).

Sumunod naman sina Cavite Rep. Lani Mercado (15), Makati Mayor Junjun Binay (12), Valenzuela Rep. Sherwin Gatchalian (10), MMDA chairman Francis Tolentino (10), Leyte Rep. Martin Romualdez (8), aktres na si Kris Aquino (7) at aktor na si Dingdong Dantes (6).

Ang survey ay ginawa mula Setyembre 2-5 at kinuha ang opinyon ng 1,200 respondents.