YAYA DUB
Si Yaya Dub ang nanalo sa ginanap na wildcard edition ng “Bulaga Pa More Dabarkads Pa More” ng Eat Bulaga na ginanap dalawang linggo na ang nakararaan. Hindi naman nagkakalayo ang boto ng dalawa – 54% ng total votes ang nakuha ni Yaya Dub habang 46% naman ang na-gets ni Alden.
Siyempre, kahit natalo, tuwang-tuwa pa rin si Alden sa pagkapanalo ni Maine at in fairness, deserving naman ang dalaga sa kanyang winning moment. Maraming natuwa sa performance niya kaya marami rin ang agree sa pagkapanalo ni Yaya Dub. At dahil dito, si Maine ang lalaban sa grand finals ng “Bulaga Pa More”.
Samantala, umabot na sa mahigit 1 million ang followers sa Twitter ni Yaya Dub. Halos dalawang buwan pa lang sa Eat Bulaga si Maine pero napakabilis ng pagtaas ng bilang ng kanyang followers. Umabot na sa 1.02 million ang kanyang Twitter followers habang more than 974,000 naman ang followers niya sa Instagram. Sa Facebook may mahigit 1.3 million friends si Yaya Dub.
Nagpasalamat naman ang dalaga sa kanyang mga supporters sa bagong achievement na ito sa kanyang career, “1M followers!!! Ang saya! Thank you all!” Kamakailan, siya ang nasa top spot ng “fastest-growing celebrities profiles in Philippines” sa Twitter world habang nasa second place naman si Alden.
Sa ngayon, wala pa ring nakakabura ng record ng Aldub matapos makakuha ang #ALDUBTheAbduction ng 6.37 million tweets, ang pinakamataas na bilang tweets sa loob lamang ng 24 oras sa bansa.