P55M Jackpot sa Grand Lotto 6/55 nakuha sa Navotas

Sa Navotas City tumaya ang nanalo ng P55.1 milyong jackpot prize ng Grand Lotto 6/55 kamakalawa ng gabi.
Ayon sa Philippine Charity Sweepstakes Office isa lang ang nanalo ng jackpot prize na tumaya sa mga numerong 30-27-29-28-16-4.
Ang nanalo ay tumaya sa lotto outlet sa Bangus street. Nanalo naman ng tig-P24,710 ang 33 mananaya na nakakuha ng lima sa anim na numerong lumabas.
Tig-P480 naman ang tinamaan ng 1,336 mananaya na nakaapat na numero at balik-taya (P20) ang 19,742 mananaya na nakatatlong numero. Ang Grand Lotto ay binobola tuwing Lunes, Miyerkules at Sabado.