Jackpot sa Ultra Lotto aabot na ng P200M sa Biyernes

Inaasahang aabot sa P200 milyon ang jackpot prize ng Ultra Lotto 6/55 sa Biyernes, ayon sa Philippine Charity Sweepstakes Office.
Ito ay matapos na walang makataya sa lumabas na number combination na 17-34-56-42-36-40. Sa naturang bola ay umabot sa P192.5 milyon ang jackpot prize. Nadaragdagan ang jackpot prize kapag hindi ito tinatamaan.
Ang inilalaki ay depende sa halaga ng itinataya. Sa bawat P1 itinataya, 55 sentimos ang napupunta sa Prize Fund, 30 sentimos sa Charity Fund at ang nalalabi sa gastusan sa operasyon nito.
Nanalo naman ng tig-P280,000 ang dalawang mananaya na nakakuha ng lima sa anim na numerong lumabas.
Tig-P2,510 naman ang 412 mananaya na naka-apat na numero at balik-taya (P20) ang 9,608 mananaya na nakatatlong numero.