SINA Kim Chiu at Xian Lim ang tinanghal na Couple of the Night sa ginanap na Star Magic Ball 2015 nu’ng Sabado ng gabi sa Makati Shang-La Hotel.
Sa dami ng naggagandahan at nagniningning na Star Magic artists na dumalo nu’ng gabing yun ay ang magka-loveteam ang pinaka-standout. Tuwang-tuwa ang dalawa nang i-announce ang kanilang mga pangalan bilang big winners.
Last year ang tinanghal na Couple of the Night ay ang magdyowang John Lloyd Cruz at Angelica Panganiban na dumalo rin sa nasabing event last Saturday.
Sina Sam Milby at Doble Kara star Julia Montes ang nagwaging Male Star of the Night and Female Star of the Night respectively.
Ang Pangako Sa ‘Yo stars na sina Daniel Padilla and Kathryn Bernardo ang itinanghal na Best Dressed Award habang naiuwi naman ng mag-asawang Jericho Rosales at Kim Jones ang Fa-bulous Pair Award.