P91M jackpot sa Super Lotto 6/49 nakuha sa Maynila

Isang mananaya mula sa Sampaloc, Maynila ang nanalo ng P91.4 milyong jackpot prize ng Super Lotto 6/49 sa bola noong Linggo.
Ayon kay Philippine Charity Sweepstakes Office general manager Atty. Jose Ferdinand Rojas II isa lang ang tumaya sa number combination na 7-10-40-45-31-14.
Umabot sa P21.8 milyon ang halaga ng taya para sa naturang bola.
‎ Nanalo naman ng tig-P52,040 ang 21 mananaya na nakakuha ng limang numero. Tig-P840 naman ang napanalunan ng 1,036 mananaya na nakaapat na numero at balik-taya (P20) ang 20,216 mananaya na nakatatlong numero.
‎ Ang Super Lotto ay binobola tuwing Martes, Huwebes at Linggo. Nagkakahalaga ng P20 ang taya sa bawat anim na numerong kumbinasyon.