Taga-Tondo wagi ng P30M jackpot sa Mega Lotto 6/45

Sa Tondo, Maynila tumaya ang nanalo ng P30.1 milyong jackpot prize ng Mega Lotto 6/45 sa bola kamakalawa ng gabi.
Ayon sa Philippine Charity Sweepstakes Office isa lang ang tumaya sa mga lumabas na numerong 14-45-7-28-44-1.
Umabot sa P16.3 milyon ang halaga ng itinaya para sa naturang bola.
Ang nanalo ay mayroong isang taon para kunin ang kanyang premyo.
Nanalo naman ng tig-P34,110 ang 24 mananaya na nakakuha ng limang numero. Tig-P560 naman ang tinamaan ng 1,161 mananaya na naka-apat na numero at balik-taya (P20) ang 18,261 mananaya.