30M jackpot sa Grand Lotto 6/55 nakuha sa Bataan
Sa Bataan tumaya ang nanalo ng P30 milyong jackpot prize ng Grand Lotto 6/55 na binola Lunes ng gabi.
Ayon sa Philippine Charity Sweepstakes Office ang nanalo ay tumaya sa lotto outlet sa Orani, Bataan.
Siya ang nag-iisang nakakuha sa mga numerong 25-30-14-07-10-19. Umabot sa P17 milyon ang halaga ng itinaya sa naturang bola.
Nanalo naman ng tig-P12,900 ang 66 mananaya na nakakuha ng limang numero. Tig-P260 naman ang 2,587 mananaya na nakaapat na numero at balik-taya (P20) ang 29,360 mananaya na nakatatlong numero.
Ang Grand Lotto ay binobola tuwing Lunes, Miyerkules at Sabado.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.