Patrick Garcia magaling gumawa ng baby, misis 3 buwang buntis
Tatlong buwan matapos silang magpakasal ng kanyang asawang si Nikka Martinez, masayang ibinalita ni Patrick Garcia na madadagdagan uli ng bagong miyembro ang kanilang pamilya.
Sa kanyang Instagram account, ibinalita ni Patrick na may bagong angel na namang darating sa buhay nilang mag-asawa. Ipinost ni Patrick Garcia ang picture ng ultrasound test ng kanyang misis na si Nikka.
Nilagyan niya ito ng caption na: “Thank you Lord for this blessing of ours!” Sa sarili naman niyang IG account ipinost ni Nikka ang good news, aniya three months na siyang buntis.
Kung matatandaan nagpakasal sina Patrick at Nikka noong March 21 sa Blue Leaf Pavilion sa Pasay City. Second baby na ni Patrick ang ipinagbubuntis ni Nikka, ang panganay nila ay ang one-year-old nang si Chelsea.
Meron ding anak si Patrick kay Jennylyn Mercado, ang 4-year-old nang si Alex Jazz.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.