Sam may bagong nililigawan; Piolo gusto ng maraming anak | Bandera

Sam may bagong nililigawan; Piolo gusto ng maraming anak

Ervin Santiago |July 05,2015
facebook
share this

Sam may bagong nililigawan; Piolo gusto ng maraming anak

Ervin Santiago - July 05, 2015 - 02:00 AM

toni gonzaga

SA kauna-unahang pagkakataon, magsasama-sama sa isang napakalaking teleserye ang reigning Box-Office King And Queen ng Philippine Cinema na sina Piolo Pascual at Toni Gonzaga.

Ang tinutukoy namin ay ang soap operang Written In Our Stars under Dreamscape Productions. Makakasama rin nila rito sina Sam Milby at Jolina Magdangal na todo ang pasasalamat sa ABS-CBN dahil hindi pa nga natatapos ang afternoon series niyang Flordeliza kasama sina Marvin Agustin at Desiree del Valle ay meron na agad siyang kasunod na assignment.

Nu’ng Biyernes ng gabi ay i-announce ng Dreamscape ang nasabing proyekto kung saan tinagurian ngang “dream cast” ang pagsasama-sama ng apat na Kapamilya stars.

Ang nagbabalik-Kapamilya namang si Andoy Ranay ang magiging direktor ng “Written In Our Stars” . Magsisilbi rin itong reunion project nina Sam at Toni na ilang beses na ring nagkasama sa pelikula.

At dahil nga sa teleseryeng ito, matatapos na rin ang mga tsismis na lilipat na ng network si Sam. Kung matatandaan, napabalitang hindi na raw ire-renew ng Dos ang kontrata ng aktor-singer kaya may isyung lilipat na siya sa GMA 7 or sa TV5.

Pero sabi nga ni Sam sa presscon ng Written In Our Stars, mananatili siyang Kapamilya. Ayon sa Dreamscape, kung nabitin kayo sa pelikulang “Starting Over Again” nina Piolo a Toni, ito na ang sagot sa request ng mga fans na muling pagsamahin ang dalawa sa isang proyekto.

Para naman kay Jolens, isa rin itong dream project para sa kanya, hindi naman daw kasi niya inaasahan na mapapasama siya sa seryeng ito dahil umeere pa nga ang Flordeliza.

First time rin niyang makakasama sina Piolo, Sam at Toni sa isang teleserye na tumatalakay sa iba’t ibang uri ng pagmamahal at relasyon.

Katatapos lang ng story conference ng Written In The Stars nang humarap ang apat sa press kaya wala pa silang masyadong maikuwento tungkol sa tema ng programa pero anila, this new series is, “wholesome, family-oriented and full of moral values.” Magsisimula na ang taping ng Written In Our Stars sa July 28.

 

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending