Megan sa bagong Marimar: Gusto kong makausap si Marian!

MEGAN YOUNG

Gustong humingi ng advice ni Miss World 2013 Megan Young kay Marian Rivera bago siya magsimula ng taping para sa bagong version ng Marimar kung saan makakatambal niya si Tom Rodriguez.

Inaasahan na kasi niyang ikukumpara siya sa GMA Primetime Queen kapag umere na ang nasabing serye, “Ang sinasabi ko na lang, I’ll do it in my own way, na hindi ako susunod sa ginawa ng iba.”

Dugtong pa ng beauty queen-actress, “Sana mabigyan ako ng chance na makahingi ng advice kay Marian. Kasi siyempre, nung siya yung gumawa, talagang big hit, and she really made a trademark sa industry at siyempre sa GMA.

“So, malaking tulong sa akin kung makahingi ako ng advice. Hopefully soon,” ani Megan sa ginanap na story conference ng Marimar kamakailan.

Inaatake na ba siya ng nerbiyos ngayon pa lang, “Mas excited siguro ako kesa sa kinakabahan. Kasi, first project ko after I signed with GMA, and isa pang napakagandang project na ibinigay sa akin, na Marimar. So, excited po ako.”