Piolo papoging rockstar; nag-enjoy sa pagiging dugyot

PIOLO PASCUAL

Speaking of Piolo Pascual, puro papuri naman ang ibinigay ng aktor sa kanyang leading lady sa “The BreakUp Playlist” na mapapanood na sa sinehan simula July 1, sa direksiyon ni Dan Villegas under Star Cinema.

Ano ba ang mga bagong nadiskubre ni PJ kay Sarah bukod sa pagkakilala niya rito bilang katrabaho sa ASAP? “Unang-una, ang napansin ko kay Sarah nung gumagawa kami ng pelikula, mahilig siyang kumanta, kaya ang tawag ko sa kanya is

‘Jukebox.’ Yun ang ginagawa niya while waiting for a scene.

“And alam naman nating lahat na mabungisngis siya, mahilig siyang tumawa. But what I can say about Sarah is she’s very simple, napakabait na bata, napakabait na kasama sa trabaho. She loves what she does.

“She has respect for the craft and marami pa siyang puwedeng maibigay kasi nakikita ko naman talaga. But I didn’t realize na aabot kami sa puntong magkakatrabaho kami.

“It was a great experience working with her kasi ngayon ko lang siya nakatrabaho as co-actor. At saka nakikita ko how she transforms on stage once nakita mo na mag-perform na siya, as in talagang ibang klase. And dito sa pelikula, you can see a more mature Sarah.

“Ang hirap kasi ng role niya, pero talaga namang nandoon siya 100 percent. So, masaya ako doon sa nagawa namin,” sey ni PJ.
Natupad din daw sa pelikula ang matagal nang pangarap ni Piolo, “I’m so happy because pangarap kong maging rockstar, e. At least dito sa pelikula nagawa ko, di ba? Ha-hahaha!”

“More than the challenge, it’s the enjoyment to portray somebody na nakahikaw, naka-tattoo, tapos naggigitara, papoging rockstar. Sa pelikula man lang, magawa ko,” dagdag pa ng aktor.